“….Komisioni Europian ka bërë një rekomandim historik për Shqipërinë, i cili në vetvete është dhe konfirmimi më kuptimplotë, më i padiskutueshëm, jo vetëm i faktit që vendi ecën në drejtimin e duhur, por dhe i ndodhjes së Shqipërisë në pikën e saj më të lartë si shtet dhe si shoqëri në ngjitje drejt majës së bashkimit përfundimtar me familjen e shteteve dhe shoqërive europiane. I rekomandohet Këshillit Europian të nisë gjatë vitit 2027, pra për pak muaj, përgatitjet për të hartuar traktatin e anëtarësimit të Shqipërisë në Bashkimin Europian dhe dua ta dëgjojë çdo shqiptar dhe çdo shqiptare që na ndjek. Është një togfjalësh që shfaqet për herë të parë në rrugëtimin europian të Shqipërisë: Traktati i anëtarësimit të Shqipërisë në Bashkimin Europian….”
Këto janë fjalët e kryeministrit Edi Rama sot në Asamblenë në Lalëz. Redaksia pyeti një burim diplomatik në dijeni të plotë të ecurisë dhe procedurave drejt BE-së lidhur me deklaratën.
“Rekomandimi është mashtrim, se duhet të paktën gjysma e kapitujve te jenë mbyllur për të bërë rekomandim. Dhe Këshilli mund t’a miratojë ose jo. Mali i Zi pas 18 kapitujsh të mbyllur, filloi draftimin vjet dhe nuk dihet kur mbaron” – tha ky burim.
m.a. / dita
