Kryetari i Partisë Demokratike, Sali Berisha ka deklaruar se do të japë dorëheqjen vetëm nëse humb garën në zgjedhjet e përgjithshme 2025.
Gjatë një interviste televizive, Berisha tha se rregulli i statutit të partisë thotë që kryetari largohet nëse nuk fiton zgjedhjet, por kjo rregullore nuk vepron në zgjedhjet lokale pasi në zgjedhjet lokale pjesëmarrja është më e vogël.
“Në rregullat e partisë asnjë lider nuk jep dorëheqjen për zgjedhjet lokale. Nuk janë zgjedhjet lokale testi i liderit, por unë kam vënë standardin. Në rast se ka humbje në zgjedhjet e përgjithshme dhe ka humbje në çdo rrethanë; mirupafshim. Dhe unë do ta mund Ramën në zgjedhjet e përgjithshme”, tha Berisha.
Nëse humb zgjedhjet prlamentare 2025, për Berishën është dorëheqja e dytë, pas asaj të 2013 kur pas 8 vitesh në pushtet, deklaroi se do të largohej nga politika duke ja lënë vendin në PD Lulzim Bashës.
m.b./dita
