Atletja Luiza Gega u prit me ceremonia nga qeveria dhe u nderua pasi u shpall Kampione Europe, në garën 3000 metra me pengesa. Ajo marshoi me një automjet në bulevardin “Dëshmorët e Kombit”, ku shoqërohej nga trajneri i saj dhe ministrja e Arsimit, Evis Kushi.
Në hyrje të kryeministrisë Luiza Gega u prit nga kreu i qeverisë Edi Rama, i cili i puthi edhe duart. Gjatë një interviste për Panorama Plus, atletja tregoi a është ndjerë e përdorur nga politika.
Ajo u shpreh se në të gjithë botën sportistët me medalje priten si heroj, duke theksuar se njerëzit “ngatërrojnë bindjet e tyre politike me një vlerësim që duhet të bëhet nga kushdo parti që është në pushtet.”
Të shumtë kanë qenë edhe komentet se jeni përdorur nga politika, e ka ndjerë një fakt të tillë Luiza?
“Jo, nuk jam ndjerë e përdorur. Shiko, në të gjithë botën po ta shikoni sportistët kur arrijnë medalje të mëdha priten si heronj dhe unë thjesht kam qenë shumë e lumtur që kjo gjë po ndodh më në fund dhe te ne. Mendoj që gjithmonë do të ketë njerëz që ngatërrojnë bindjet e tyre politike me një vlerësim që duhet t’i bëhet një sportisti nga kushdo parti që është në pushtet”, u përgjigj ajo./ PanoramaSport
a.m/dita
Koi vajze eshte si drita.
Nuk e kap dot njeri…sado e brishte qe eshte. Eshte kokeulur dhe e vetedishme ne ambicjet e saj.
Cdo merite e ka me pune te madhe, raskapitese bashke me trainerin e saj.
Fitoren e saj e pershendeti gjithe stadiumi ne “Mynih 2022”, Luiza Gega i pershendeti duke valevitur Flamurin Shqiptar dhe ngritur lart emrin Shqiperise.
Ajo meriton gjithe nderet qe ju bene.
Bravo Luiza…suksese me sportin tend. Suksese dhe Taulant Strazimirit ne trajnimin e kesaj talenteje te lindur!
Urime nga e gjithe Europa ju bene Luizes nga Shqiperia…!