Programi ‘Ya es mediodía’ publikoi informacione të çuditshme për një takim mes mbrojtësit maroken Achraf Hakimi dhe modeles Joana Sanz (partnerja e Dani Alvesh, i arrestuar për përdhunim), në një klub nate në Madrid. Që të dy i lidh padyshim një rastësi e pakëndshme, e cila e bëri shumë morbid ribashkimin e tyre.
“Gjetëm një person të panjohur që po hynte, i cili ishte shumë i mbuluar. Më pas ai hoqi rrobat dhe ishte Achraf. Ai ishte në një nga kabinat më të larta në këtë vend, me tre shokë. Po kalonin shume mirë. Kishin gjithë kohën dhe kishte një roje vetëm për ta”, raportoi programi sipas dëshmitarëve. “Vjen një moment që rreth gjashtë apo shtatë vajza shkojnë në dhomën private. Ata po kalojnë shumë mirë. Nuk e pashë Ahrafin të shqetësuar, e pashë të lumtur për jetën”, vazhdoi rrëfimin gazetari i programit, Alexia Rivas. Duket se, siç shpjegon gazetari, në një moment të natës ai dhe Joana Sanz do të takoheshin.
Mirëpo, Joana ka mohuar informacionet se është parë në një klub nate me kolegun e burrit të saj futbollist, Achraf Hakimin. Ky i fundit pati një divorc të çuditshëm me modelen Hiba Abouk.
