Eurostat ka publikuar së fundmi një raport mbi përdorimin e pajisjeve dhe aftësive të ndryshme digjitale nga adoleshentët e grupmoshës 16-19 vjeç.
Sipas këtij raporti, në vitin 2023 vajzat e moshës 16-19 vjeç në Bashkimin Europian treguan nivele më të larta të aftësive në krijimin e përmbajtjes dixhitale sesa popullata e përgjithshme. Në tre muajt para zhvillimit të anketës, shumica e vajzave në këtë grupmoshë kishin kryer aktivitete të ndryshme digjitale.
Gjithashtu, u vu re se djemtë ishin më të zotë në kodimin e programeve, ndërsa vajzat spikasnin më shumë në editimin e fotove dhe videove.
Po si paraqitet Shqipëria në këto të dhëna?
Sipas të dhënave të Agjencisë Europiane të Statistikave, në Shqipëri vetëm 11.45% e personave të grupmoshës 16-19 vjeç kanë aftësi në kodimin e programeve. Ajo që bie në sy është fakti se vajzat rezultojnë dukshëm më të afta në këtë fushë, ku 19.7% e vajzave të kësaj moshe merren me programim, krahasuar me vetëm 4.84% të djemve.
Në krahasim me statistikat e vitit 2021, numri i vajzave shqiptare që merren me programim është katërfishuar, ndërsa tek djemtë është shënuar vetëm një rritje e lehtë.
Nëse e krahasojmë Shqipërinë me rajonin, vajzat shqiptare renditen ndër më të mirat, ku pas tyre menjëherë vijnë Malit i Zi dhe Serbia. Ndërkohë, djemtë shqiptarë ndodhen në vendin e fundit. Gjithashtu në rang kontinenti vajzat renditen në 5 vendet e para.
Nga ana tjetër, shteti që ka përqindjen më të lartë të vajzave që programojnë në Europë është Malta, me 23.33%. Ndërsa për djemtë, vendin e parë e mban Austria, ku 33% e djemve të moshës 16-19 vjeç merren me programim.
j.l./ dita
Fycka.
Femrat shqiptare te moshes 16 – 19 vjec kodojne? Cfare kodojne? Ne spo mbushim dot vendet e punes se ka vetem njerez me diplome ne informatike qe nuk dijne te shtypin mouse, ju po thoni qe kodojne vajzat 16 – 19 me shume se djemte, pa vendosur asnje lloj menyre kodimi, po normalisht se s’dini cfare po flisni. Vendosni burimin e te dhenave diku dhe mos lini vetem ChatGPT te shkruaje artikuj, vini ca nga keta gazetaret qe i perkthejne, mos i mbani vetem internship.
Ne fakt e keni per kete, ku flitet per vajzat qe bejne kontent dixhital me shpesh se djemte, pra video TikToku, me shume mundesi ne shqiperi ua kalojne djemve.
E çë pastaj?