Ergys Agasi vizitonte vilat qeveritare gjatë kohës që ishte në kërkim? Zbardhen prapaskenat e operacionit të sotëm të SPAK

Të tjera detaje janë zbardhur nga aksioni i sotëm i SPAK. Përpos Vlora Hysenit, për të cilën dy prokurorët, Altin Dumani dhe Bledar Maksuti kërkuan masën e sigurisë “arrest shtëpie” dhe “pezullim nga detyra”, dy masa sigurie “arrest me burg” u lëshuan ndaj shefit të Laboratorit Shkencor të Policisë së Shtetit, Fatjon Kalluçin si dhe për Embro Sulejmanin, i cili rezulton të jetë dhe administratori i lokalit të bllokut qeveritar në Durrës.

Ky person (në foto) i cili po ashtu është dhe administratori i agroturizmit “Kodra e Kuajve”, dyshohet se ka fshirë kamerat e sigurisë në këto vila pasi Agasi është arrestuar.

Sipas informacioneve paraprake, ky veprim dyshohet të jetë bërë për të fshirë gjurmët e Agasit i cili përgjatë kohës kur  ishte në arrati ka frekuentuar vilat qeveritare.

Paralelisht agjentët e Byrosë Kombëtare të Hetimit kanë kryer kontrolle në disa banesa në Tiranë, dhe në zonën e Shkozetit në Durrës.

Kontrollet u kryen edhe në banesën e ish-kryepolicit Ilir Proda, si dhe Vlora Hysenit për të cilën është dhënë dhe masa e sigurisë “arrest shtëpie”.

Mes masave të kërkuara nga SPAK dhe të miratuara nga GJKKO ka qenë edhe ajo ndaj Fatjon Kallucit dhe Embro Sulejmanit, të cilat janë ekzekutuar mëngjesin e sotëm.

Më herët në kuadër të hetimeve për këtë dosje ra në pranga biznesmeni Ermal Beqiri, ndërkohë disa javë më vonë u bë i mundur edhe arrestimi i vetë Ergys Agasit.

Vijon