Zëvendëskryeministri Arben Ahmetaj pas mbledhjes së qeverisë u pyet nga gazetarët edhe për situatën e krijuar në vend, nga çmimet e papërballueshme të karburantëve.
Teksa u pyet se kur do të marrin fund bordet që caktojnë çmimet e karburanteve dhe ushqimeve në vend, ai tha se jemi ende ne krizë dhe se qeveria do të vazhdojë që të përdorë të gjithë mekanizmat për të frenuar rritjen e çmimeve.
“Qeveria punon çdo ditë. Sot morëm një seri detyrash, po të hap bllokun janë mbi 20 e ca detyra që kryeministri dha në raport me ndjekjen, përballimin e hartimin e politikave e instrumenteve për përballimin e krizës. Është krizë e shkaktuar nga njeriu, bllokimi i rrugëve të furnizimit, qeveria do i përdorë të gjithë instrumentet e duhur qoftë dhe inovativë që të frenojë rritjet abuzive të çmimeve.
Çdo instrument që funksionion për të monituruar e frenuar me instrumentet e tregut dhe ato që ka administrata e shtetit të gjitha do vijojnë të funksionojnë”, tha Ahmetaj.
a.m/dita
