Një aksident tragjik ka ndodhur pak minuta më parë në autostradën Levan-Tepelenë, ku dy persona kanë humbur jetën dhe katër të tjerë janë plagosur.
Mësohet se dy makina janë përplasur me njëra-tjetrën, në vendin e njohur si “Buzëmadh”.
Policia, ambulanca dhe zjarrfikësit kanë mbërritur në vendngjarje.
Mësohet se dy viktimat dhe një prej të plagosurve kanë qenë duke udhëtuar në njërin mjet, ndërsa të plagosurit e tjerë në mjetin tjetër.
Njoftimi i Policisë:
Sot rreth orës 20:20, në aksin rrugor Levan-Tepelenë, në fshatin Buzëmadh, janë përplasur automjetet tip “Zafira” dhe “Ford”.
Si pasojë e përplasjes kanë ndërruar jetë dy shtetas dhe janë plagosur katër të tjerë.
Grupi hetimor ndodhet në vendngjarje dhe po punon për zbardhjen e shkakut të aksidentit si edhe identifikimin e personave që janë plagosur dhe kanë ndërruar jetë.
j.l./ dita
