Një aksident i rëndë ka ndodhur në dalje të qytetit të Beratit ku një mjet ka goditur një këmbësor dhe pasi e ka tërhequr zvarrë disa metra, është larguar duke e lënë të shtrirë në rrugë të plagosurin.
Arben Kanaçi, 40-vjeç, është transportuar me urgjencë drejt Spitalit Rajonal të Beratit në gjendje të rëndë, për shkak të plagëve të shumta të marra në trup dhe në kokë.
Burimet spitalore bëjnë me dije se 40-vjeçari do të transportohet me ambulancë drejt Spitalit të Traumës, për një ndihmë më të specializuar.
Në vendngjarje kanë mbërritur forca të shumta policie, dhe pas ndjekjes kanë identifikuar drejtuesin e mjetit Artan Eskiu i cili është shoqëruar në polici.
m.b./dita
