Një aksident i rende ka ndodhur në Bulqizë. Sipas policisë lokale, ngjarja ka ndodhur në fshatin Ostren të njësisë administrative Ostren të Bashkisë Bulqizë, ku drejtuesi i automjetit ka humbur kontrollin duke dalë nga rruga dhe për pasojë janë plagosur tre pasagjerët si dhe drejtuesi i automjetit.
Aksidenti është pikasur nga banorët e zonës të cilët kanë njoftuar policinë lokale të Bulqizës dhe ambulancën të cilët shkuan në vendngjarje duke ju dhënë ndihmën e parë.
Burime pranë spitalit të Bulqizës bëjnë me dije se 4 të plagosurit janë jashtë rrezikut për jetën, ndërkohë policia dhe grupi hetimor ka nisur hetimet për shkaqet e aksidentit.
