Një aksident i rëndë mes tri makinash ka ndodhur në Gjadër të Lezhës në afërsi të një karburanti. Si pasojë e përplasjes së trefishtë kanë mbetur të plagosur dy nga drejtuesit, Hajri Kalaj dhe Shkëlqim Elezi, të cilët u nisën për ndihmë mjekësore në Spitalin e Lezhës. Ata ndodhen jashtë rrezikut për jetën.
Në pamjet e siguruara nga Top Channel shihet se si ekipet e emergjencës nxorën nga makina të plagosurit. Nga ana tjetër dëmet janë tejet të larta, pasi makinat janë dëmtuar rëndë. Copëzat e mjeteve janë shpërndarë në rrugë, si pasojë e përplasjes së fortë.
Policia ndodhet në vendin e ngjarjes për të përcaktuar shkakun e aksidentit.
p.c. / dita
