Një aksident me pasojë vdekje ka ndodhur rreth orës 21:00 të së enjtes tek rreth rrotullimi Koplikut, Shkodër.
Një 38-vjeçar me një mjet tip “Opel” ka humbur kontrollin e makinës duke dalë nga rruga.
Rrugës për në spital, shoferi me iniciale M.L., ka ndërruar jetë.
Grupi hetimor vijon veprimet për sqarimin e rrethanave dhe shkakut të aksidentit, thuhej në njoftimin e policisë.
Njoftimi i policisë:
Rreth orës 21:00, tek rreth rrotullimi Koplikut, shtetasi Martin Lulaj 38 vjeç, banues në fshatin Hot, Malësi e Madhe, duke drejtuar automjetin tip Opel, dyshohet se ka humbur kontrollin mbi drejtimin e automjetit dhe për pasojë automjeti ka dalë nga rruga.
Drejtuesi i automjetit shtetasi Martin Lulaj pësoi dëmtime të rënda dhe për pasojë gjatë rrugës për në spital ka ndërruar jetë.
Grupi hetimor vijon veprimet për sqarimin e rrethanave dhe shkakut të aksidentit.
