Një aksident i rëndë ka ndodhur mbrëmjen e kësaj të diele pranë “Pallatit me Shigjeta”, në afërsi të kompleksit “Delijorgji” në Tiranë.
Në aksident është përfshirë urbani, një furgon si dhe një kalimtar me biçikletë. Ky i fundit është parë i shtrirë në tokë, teksa disa kalimtarë janë munduar t’i japin ndihmën e parë.
Rrethanat dhe shkaqet e aksidentit janë të paqarta, ndërsa nga pamjet e para duket se përplasja ka qenë e fortë duke bërë që furgoni të devijojë në trotuar.
Nuk dihet nëse ka patur qytetarë në urban gjatë përplasjes dhe nëse janë lënduar.
