Një aksident i shumëfishtë ka ndodhur mesditën e kësaj të marte në Librazhd.
Burimet raportojnë se në aksident janë përfshirë pesë makina dhe një kamion.
Si pasojë e aksidentit është bllokuar për momentin kalimi i automjeteve në rrugën Librazhd-Qafë Thanë.
Paraprakisht dyshohet se shkak i këtij aksidenti të jetë bërë prania e vajit që është derdhur në rrugë.
Deri më tani nuk raportohet për të lënduar, por vetëm dëme materiale.
Ndërkohë, Policia e ndodhur në vendin e ngjarjes po punon për zbardhjen e plotë të saj.
j.l./ dita
