Një aksident ka ndodhur mbrëmjen e djeshme në aksin Gjirokastër-Tepelenë.
Mësohet se aksidenti ka ndodhur në zonën e njohur si Kthesa e Subashit.
Sidorela Memushi, 21-vjeçarja e plagosur nga aksidenti i trefishtë është transportuar me urgjencë drejt spitalit të Traumës për ndihmë mjekësore më të specializuar.
Ajo u shtrua fillimisht në spitalin “Omer Nishani” në Gjirokastër, mirëpo kishte skalpin e kokës të dëmtuar, plagë mbi sy me hematomë dhe dëmtime të këmbëve, ndaj u vendos që të transportohej në Tiranë.
Bashkë me të mbeti i plagosur edhe shoferi i mjetit, 24-vjeçari Redon Xhanari, gjendja e të cilit është e qëndrueshme.
Në aksident u përfshinë tre mjete. Njërës prej tyre ia ka prerë rrugën një lopë e nga frenimi i menjëhershëm i dy makinave të tjera të cilat ishin në distancë të afërt mësohet se ka ndodhur edhe përplasja me makinën e parë.
j.l./ dita
