Aksident i trefishtë në Lezhë, 2 në gjendje të rëndë për jetën

Tre automjete janë përfshirë në një aksident me drejtues shtetasit A.Bardhi, K.Makaj dhe O.Biba.

Raportohet për të paktën dy të lënduar drejtuesi i njërit prej automjeteve O.Biba dhe pasagjeri E.Marku që ndodhej në automjetin e drejtuar nga shtetasi A.Bardhi, të cilët janë në gjendje të rëndë për jetën.

Aksidenti ka ndodhur në autostradën Lezhë-Milot, në vendin e quajtur “Kryqëzimi i Tales”.

Policia dhe ambulancat kanë mbërritur menjëherë në vendngjarje. Grupi hetimor vazhdon veprimet hetimore për zbardhjen e plotë të rrethanave të aksidentit.

Njoftimi i Policisë:

Rreth orës 17:00, në aksin rrugor Lezhë – Milot, në vendin e quajtur “Kryqëzimi i Tales”, janë përfshirë në një aksident rrugor 3 automjete, me drejtues shtetasit A.B., K.M. dhe O.B.

Për pasojë, janë lënduar drejtuesi O.B. dhe pasagjeri E.M. që ndodhej në automjetin e drejtuar nga shtetasi A.B., të cilët janë dërguar në Spitalin Rajonal Lezhë për ndihmën e nevojshme mjekësore.

Grupi hetimor vazhdon veprimet hetimore për zbardhjen e plotë të rrethanave të aksidentit.

o.j/dita