5 persona mbetën të plagosur, 2 prej të cilëve janë në gjendje të rëndë, pas përplasjes së dy makinave në rrugën e Shëngjinit.
Aksidenti i rëndë ndodhi rreth orës 18 e 30 minuta të kësaj së shtune, pranë lagjes “Xhenjo” dhe në të u përfshinë një makinë tip “Benz” me një “Skoda”. Përplasja kokë më kokë, ishte mjaft e fortë dhe për pasojë mbeten të plagosur 2 drejtuesit e mjeteve dhe pasagjerët që udhëtonin me to.
Ata u dërguan me urgjence në Spitalin Rajonal të Lezhës dhe dy prej të plagosurve ndodhen në gjendje të rëndë për jetën si pasojë e frakturave të marra në disa pjesë të trupit. Policia e cila mbërriti menjëherë në vendin e ngjarjes nisi hetimet për zbardhjen e shkaqeve dhe rrethanave të këtij aksidenti, i cili paraprakisht dyshohet të ketë ndodhur nga parakalimi i gabuar i njërës prej makinave, duke sjell dhe përplasjen e fortë.
a.m/dita
E kam komentuar shume here . Kur dy makina perplasen koke me koke dhe shpejtesia eshte per secilen 75 km ne ore , tronditja eshte tamam sikur bie nga kati i 25 nga latre poshte . Kjo eshte e shkruar nga projektuesit Gjermane Ing ne fabriken dhe projektimin e benxit . Eshte tmerr shmangjuni karambolit koke me koke ,dhe kjo ndodh nga parakalimet e gabuara .