Një aksident me pasojë vdekjen e një 70-vjeçari është shënuar ditën e sotme në Lushnjë.
Sipas njoftimit nga Policia, ngjarja ka ndodhur konkretisht në aksin rrugor ‘Lushnjë-Rrogozhinë’ në fshatin Golem.
Një makinë ka përplasur 70-vjeçarin me inciale V. D., i cili po kalonte në autostradë me biçikletë.
Si pasojë e plagëve të rënda, ai nuk ka mundur të mbijetojë.
Policia ka shoqëruar shoferin e mjetit, 26-vjeçarin me iniciale A.Xh., i cili pritet të përballet me akuzën për këtë vepër penale.
Njoftimi i Policisë:
Lushnjë/Informacion paraprak
Rreth orës 09:45, në aksin rrugor “Lushnjë-Rrogozhinë”, në fshatin Golem, automjeti me drejtuese shtetasen A. Xh., 26 vjeçe, është përplasur me biçikletën me drejtues shtetasin V. D., 70 vjeç, banues në Golem, i cili ka ndërruar jetë. Shtetasja A. Xh. është shoqëruar në Komisariat, me të cilën po kryhen veprimet hetimore.
Grupi hetimor po punon për zbardhjen e rrethanave të aksidentit.
j.l./ dita
