Një aksident që ka lënë pas 5 persona të lënduar ka ndodhur mëngjesin e sotëm në vendin e quajtur ‘Pujkë’, në aksin Burrel-Rrëshen.
Një automjet tip “Pasat” është përplasur me një kamion të tonazhit të rëndë.
Të dy automjetet po lëvizin në drejtim të Burrelit, kur mjeti veturë goditi nga pas kamionin. Si pasojë e goditjes së fortë janë dëmtuar të 5 personat që ndodheshin në autoveturë.
Ata janë dërguar me autoambulancë në spitalin e Burrelit për të marrë ndihmën e parë, ndërsa drejtuesi i mjetit dhe pasagjerja në vendin e parë janë transportuar drejt spitalit të traumës në Tiranë në gjendje më të rëndë.
Policia dhe grupi hetimor ndodhen në vendin e ngjarjes për të hetuar dhe përcaktuar shkaqet e aksidentit.
j.l./ dita
