Një aksident i rëndë ka ndodhur në autostradën Tiranë-Durrës, në orët e para të mëngjesit të sotëm.
Drejtuesi i mjetit, A.T, 26-vjeç humbi kontrollin e mjetit duke u përplasur me trafik ndarësen.
Për pasojë, kanë humbur jetën dy pasagjeret që ishin në mjet, ndërsa i riu është dërguar në spital në gjendje të rëndë për jetën.
Silva Gjergji nga Rubiku është një nga vajzat e cila humbi jetën. 26-vjeçarja ishte në mjet së bashku me një vajzë tjetër (viktimë) dhe drejtuesin e mjetit, Arbër Tivari.
Të rinjtë po udhëtonin drejt kryeqytetit dhe dyshohet se shpejtësia në drejtim është shkak i aksidentit, po nuk përjashtohet as ndonjë rrethanë e pazakontë në rrugë që e ka detyruar shoferin të devijojë dhe të humbasë kontrollin mbi drejtimin e mjetit.
Policia i ka komunikuar masën e arrestit të riut nga Durrësi që ndodhet në gjendje të rëndë në spitalin e traumës në Tiranë.
Tivari nga Durrësi ka qenë duke drejtuar automjetin tip Ford Ka me targë AA014ZE nga Durrësi në drejtim të Tiranës, kur ka dalë nga rruga duke marrë me vete edhe barrieren metalike anësore e cila është palosur brenda në kabinë.
Njoftimi i Policisë:
Në orët e para të mëngjesit në autostradën Durrës-Tiranë, shtetasi A. T., 26 vjeç, dyshohet se ka humbur kontrollin mbi drejtimin e automjetit dhe për pasojë automjeti është përplasur me trafik ndarësen. Si pasojë e përplasjes kanë humbur jetën dy pasagjeret shtetasja S. Gj., 26 vjeçe, dhe pasagjerja tjetër ende e paidentifikuar që ndodheshin në automjet. Ndërsa shtetasi A. T, është transportuar në spital në gjëndje të rëndë.
Grupi hetimor ndodhet në vendngjarje dhe po punon për sqarimin e rrethanave të aksidentit dhe identifikimin e shtetases tjetër që humbi jetën.
j.l./ dita
I mbani policët e trafikut nëpër zyra dhe të vazhdojnë vdekjet në rrugët e Shqipnisë.
Policia e trafikut vendin e punës e ka në rrugë.
Thirrini mendjes se po humbasin jetën të rinjtë duke u përplasur me guardrailin që duhet të mbronte e jo të futej në veturë.
Mjaft është mjaft.
Kjonpolicia jone te habit cdo dite!
I komunikin mase arrestinte riun ne gjendje te rende per jete pas nje aksidentinte rende qe me shume gjasa dhe ai uron tu shkoje nga pas te mjerave.
Ne vend qe ta lene te qete e ti japin kurajo te sherohet shkojne atje e trondisn edhe me shume.
Nderkohe haj a si puna e lefter kokes dalin nga burgu me argumenta per mjekim e bllako per tu kujdesur per familjen.
Drejtesia e re gjykim i vjeter!