Një aksident i rëndë ka ndodhur mbrëmjen e djeshme në hyrje të qytetit të Beratit, duke lënë pas tre persona të lënduar rëndë.
Mjeti tip Fuoristradë ‘Benz GLE’, me targa angleze, e me drejtues 31-vjeçarin nga Shkodra, Leon Simoni përplasi tre persona e më pas i mori zvarrë. Rapotohet se i riu ishte duke bërë drift në zonë e për pasojë humbin kontrollin e mjetit.
Të plagosurit mbetën personat: Blerina Nerjaku, 45 vjeçe, banuese në Shijak, Mersine Nerjaku 37 vjeçe, banuese në Zvicër dhe Shkëlqim Kapxhiu 63 vjeç, banues në fshatin Velabisht në Berat.
Të plagosurit janë transportuar në Spitalin Rajonal të Beratit, ku ndodhen nën kujdesin e mjekëve dhe dy prej tyre po i nënshtrohen ndërhyrjeve kirurgjikale.
Në vendngjarje shkuan efektivë të shumtë policie si dhe drejtues të DVP Berat, të cilët kryen këqyrjen e vendit të ngjarjes si dhe pyetjen e dëshmitarëve, për të zbuluar shkaqet dhe dinamikën e aksidentit të rëndë.
Drejtuesi i mjetit që shkaktoi aksidentin, është shoqëruar në polici, ndërkohë që pritet të zbulohet se nëse ishte i dehur në timon apo jo.
j.l./ dita
