Një aksident me pasojë vdekjen ka ndodhur në orët e vona të mbrëmjes në Cërrik. Viktima është një 33-vjeçar i cili është përplasur për vdekje nga një makinë.
Aksidenti ka ndodhur në aksin rrugor Elbasan-Cërrik. 41-vjeçari me iniciale O.H., duke drejtuar automjetin tip “BMW” ka goditur 33-vjeçarin me iniciale N.B. që po kalonte në rrugë.
Këmbësori ka ndërruar jetë gjatë transportimit në spital, për shkak të plagëve të rënda, ndërkohë që drejtuesi i mjetit është shoqëruar në polici. Nuk dihen ende shkaqet apo rrethanat e aksidentit, ndërsa në vendngjarje pritet të kryhet ekspertiza nga grupi hetimor.
m.b./dita
