Një aksident i rëndë është regjistruar orët e para të mëngjesit në Fushë-Krujë.
Për pasojë ka ndërruar jetë Luan Dukaj, 50-vjeç.
Aksidenti ka ndodhur rreth orës 03:00 në aksin Fushë Krujë-Milot.
Drejtuesi i mjetit ka humbur kontrollin dhe mjeti ka dalë nga rruga e është përplasur me mbrojtëset anësore.
Si pasojë e përplasjes, Dukaj ka ndërruar jetë ndërsa tre persona janë lënduar rëndë.
Mjeti tip ‘Benz’ me të cilin po udhëtonin rezulton në pronësi të Juljan Kaxhi Kocaj, 34 vjeç, i cili ishte dhe drejtuesi.
Shkak i shpejtësisë dyshohet të ketë qenë shpejtësia tej normave, por grupi hetimor po punon për përcaktimin e shkakut.
Njoftimi i Policisë:
Në orët e para të mëngjesit, në autostradën Fushë Krujë-Thumanë, një automjet me drejtues shtetasin J. K., 34 vjeç, ka humbur kontrollin mbi drejtimin e automjetit dhe për pasojë automjeti është përplasur me trafikndarësen. Nga përplasja e automjetit me trafikndarësen ka humbur jetën pasagjeri, shtetasi L. D, rreth 50 vjeç. Grupi hetimor vijon punën për sqarimin e rrethanave të aksidentit.
j.l./ dita
