Një aksident i rëndë trafiku ka ndodhur mëngjesin e sotëm pranë Rrugës së Kombit, në autostradën për në Fushë-Kosovë.
Aksidenti ka qenë zinxhiror dhe në të janë përfshirë disa vetura dhe kamionë.
Sipas policisë, si pasojë e përplasjes janë shkaktuar dëme materiale dhe janë lënduar lehtë dy persona.
Shërbimet e Policisë ndodhen në vendngjarje dhe vijon puna për të përcaktuar shkakun e përfshirjes se automjeteve ne aksident.
Zëdhënësi i Policisë, Daut Hoxha, ka dhënë detaje për aksidentin në autostradën Ibrahim Rugova. Ai i tha Gazetës Express se në këtë aksident janë përfshirë 14 vetura dhe se raportohet edhe për të lënduar.
“Rreth orës 06:50 në autostradën Ibrahim Rugova, Mazgit-Bresje mbi urë te ETC-ja sipas informatave fillestare eshte shkaktuar nje aksident trafiku zingjiror ku janë të përfshira 14 automjete dhe si pasojè e aksdentit raportohet edhe per persona té lënduar.”
Ai ka thënë se rruga është e bllokuar përkohësisht.
“Kjo rrugë është bllokuar përkohësisht, përderisa njësitet policore dhe ekipet emergjente kanë reaguar në vendin e ngjarjes për t’u marrë me rastin dhe trajtimin e personave të lënduar”.
j.l./ dita
