Një aksident i rëndë me pasojë vdekje ka ndodhur këtë të enjte në rrugën Rrogozhinë-Elbasan, afër “Bishtit të Zhurit”.
Një makinë tip “Benz” është përplasur me një kamion.
Shoferi dhe pasagjeri që ndodheshin në Benz kanë humbur jetën nga përplasja fatale.
Aktualisht trupat e pajetë të dy viktimave ndodhen në makinë, pasi nuk janë nxjerrë ende nga “Benzi”.
Sipas informacioneve, përplasja ka qenë aq e fortë, sa që makina ka përfunduar poshtë kamionit.
Policia ka identifikuar njërin prej viktimave të aksidentit të rëndë sot në vendin e quajtur “Bishti Zhurit” në Rrogozhinë. Bëhet fjalë për një 32-vjeçarin nga Shijaku, Ndriçim Dervishi.
Forcat zjarrfikëse dhe policia janë duke punuar ende për të parë se sa persona kanë qenë në makinë pasi përplasja ka qenë tepër e fortë dhe automjeti ka pësuar dëmtime të shumta, duke u kthyer në një grumbull hekurishtesh përballë kamionit.
Njoftimi i Policisë:
Më datë 04.08.2022, në vendin e quajtur “Bishti i Zhurit”, një mjet kamion me drejtues shtetasin I. C., është përplasur me një mjet tip “Benz” me drejtues ende të paidentifikuar.
Si pasojë e aksidentit, dyshohet se mund të kenë humbur jetën dy persona.
Grupi hetimor ndodhet në vendngjarje dhe po punon për sqarimin e rrethanave të aksidentit.
j.l./ dita
Ngushëllimet e mia për familjarët e personave të aksidentuar.
Siguria rrugore është një problem gjithëpërfshirës dhe të gjithë ne duhet të kontribuojmë në mbrojtjen e jetës tonë dhe të tjerëve gjatë lëvizjeve në rrugë.
Ne Rrogozhine-Elbasan duhet te kete patrullim dhe kontroll permanent se kamikazet vazhdojne e parakalojne me vend e pa vend. Fat i madh qe jane perplasur me kamion se te ishin perplasur me ndonje makine me familje do kishim 7 te vdekur sot.