Një 20-vjeçare ka rënë në prangat e policisë në Shkodër, pasi u përfshi në një aksident rrugor dy ditë më parë, duke lënë të plagosur dy persona. Nga të dhënat paraprake bëhet me dije se e reja me iniciale R.P., banuese në fshatin Mali i Jushit, Vau i Dejës, duke drejtuar automjetin tip “Porsche”, ka humbur kontrollin dhe për pasojë mjeti ka dalë nga rruga. Nga ky aksident kanë mbetur të dëmtuara pasagjeret në këtë automjet, shtetasja D. N. dhe një shtetase ukrainase I. K., të cilat kanë marrë ndihmën e specializuar mjekësore, në Spitalin e Traumës, Tiranë.
Ngjarja ndodhi në aksin rrugor “Shkodër-Lezhë”, në fshatin Melgushë. Sakaq, materialet procedurale i kaluan Prokurorisë pranë Gjykatës së Parë të Juridiksionit të Përgjithshëm Shkodër, për veprime të mëtejshme.
