Aksidenti i rëndë në aksin rrugor Patok-Laç, ndërron jetë në spital 16-vjeçari (EMRI+FOTO)

Flavoi Mankollari, 16 vjeç, ka humbur jetën në spital si pasojë e një aksidenti automobilistik të ndodhur disa ditë ma parë.

Viktima ishte një nxënës ekselent i vitit të dytë në gjimnazin “Qemal Stafa”. Ai mbeti i plagosur në aksident bashkë me 4 persona të tjerë, por nuk mundi t’ia dalë dot, duke ndërruar jetë.

Aksidenti fatal ndodhi si pasojë e papërgjegjshmërisë së shoferit nga makina tjetër, jo tek ajo ku ndodhej Flavio. Sipas ekspertizës, një parakalim i gabuar në kthesë me shpejtësi tej normave të lejuara nga mjeti që drejtohej nga shtetasi SH.L. solli përplasjen

Flavio Mankollari do të përcillet në banesën e fundit nesër në orën 11:00, teksa banka e tij në klasën ku merrte vetëm dhjeta do të jetë e zbrazët, ashtu si vendi i tij mes të afërmve dhe moshatarëve të tij.

a.m/dita