Qyteti i Beratit u trondit ditën e djeshme nga aksidenti tragjik, ku humbën jetën nënë e bir, pasi 25-vjeçarja Klaudja Xhaferaj humbi kontrollin e mjetit e për pasojë makina ra në lumin Osum.
Nga video e shpërndarë në media duket se 25-vjeçarja ka parakaluar në mënyrë të gabuar, e për pasojë ka dalë nga rruga, është përplasur në kangjellat e rrugës, të cilat u shembën, e për rrjedhojë makina ra në lumë.
Të shumta kanë qenë komentet për kangjellat jo funksionale, shume komentues në rrjetet sociale i kanë hedhur fajin bashkisë për kangjellat.
Në lidhje me këtë një specialist punonjës për mirëmbajtjen në bashkinë Berat ka thënë se kangjellat në anë të trotuarit kanë funksion mbrojtës për këmbësoret e jo për automjetet.
Barrierat metalike bëhen në rrugë nacionale dhe në autostradat dhe jo në mes të qytetit është shprehur punonjësi i Bashkisë.
Kujtojmë se Klaudja Xhaferaj kishte vetëm 20 ditë që kishte marrë patentën për të drejtuar mjetin.
Edhe pse pa eksperiencë në makinë, 25-vjeçarja u fut në një parakalim të gabuar që i kushtoi jetën bashkë me djalin 6-vjeçar.
Sipas ekspertizës paraprake vdekja është shkaktuar nga mbytja si pasojë e qëndrimit të gjatë në ujë.
o.j/dita
Fajin e ka instruktori i patentes qe duhet tu mesoje mire rregullat se kur hyhet ne parakalim se ne qytet nuk hyhet ne parakalim dhe pastaj familja qe me vrap i ka blere makine duke e lene te udhetoje bile dhe vetem me nje femije 6 vjec pa asnje ekdperience udhetimi.