Dy persona janë vënë nën hetim nga policia e Bulqizës, për ngjarjen e ndodhur më 23 qershor, ku punëtori D.D., mbeti i plagosur rëndë pasi u rrëzua nga karroceria e një kamionçine.
Si pasojë ka nisur hetimi për K.K., 31 vjeç, i cili ka punësuar punëtorin në mënyrë të paligjshme, si dhe për E.K., 56 vjeç, shofer i kamionçinës, i cili është larguar nga vendi i ngjarjes, pavarësisht se punëtori ishte rrëzuar.
Pas aksidentit, punëtori transportua në spitalin e Traumës në Tiranë, ku mësohet se ndodhet në gjendje të rëndë.
