Një autobus me targa shqiptare është aksidentuar mbrëmjen e kaluar në Kroaci.
Mediat kroate shkruajnë se aksidenti ka ndodhur në orën 23:43 në autostradën A1 pranë kryqëzimit të Brinjës.
Aksidenti ka ndodhur kur një shqiptar 58 vjeç, duke drejtuar autobusin me targa shqiptare është përplasur me një gardh, duke u përmbysur në anën e majtë të tij.
Në momentin e aksidentit në autobus ndodheshin nëntë pasagjerë dhe shoferi.
Autobusi u përmbys, duke vrarë një person dhe duke plagosur disa të tjerë.
Mediat kroate bëjnë me dije se viktimë e këtij aksidenti ka mbetur një 41-vjeçar shqiptar.
Ende nuk është bërë i ditur identiteti i viktimës.
Po ashtu raportohet se shoferi ndodhet në gjendje të rëndë në spitalin e Karllovacit.
Shkak për aksidentin është bërë moti i keq dhe rrugët e mbuluara nga bora në Kroaci.
j.l./ dita
