Një aksident i rëndë ka ndodhur te rrethrrotullimi i TEG-ut.
Mësohet se autobusi i linjës së Petrelës është përplasur me një automjet.
Autobusi u përplas me një automjet tip ‘Audi’
Për pasojë janë lënduar 6 persona, të cilët janë dërguar me urgjencë te Spitali i Traumës.
5 gra dhe 1 burrë kanë mbetur të plagosur, ky i fundit, drejtuesi i ‘Audi-t është në gjendje të rëndë.
Nga verifikimet paraprake rezulton se drejtuesi i mjetit, shtetasi I. A., ka hyrë kundravajtje duke i dalë para autobusit dhe ka shkaktuar aksidentin.
Njoftimi i Policisë:
Tiranë/Informacion paraprak Më datë 10.05.2023, në Sauk, janë përplasur autobusi me drejtues shtetasin B. H., me automjetin me drejtues shtetasin I. A. Si pasojë janë dëmtuar shtetasi I. A., dhe një pasagjere në autobus, të cilët ndodhen në spital, nën kujdesin e mjekëve, ndërsa tre pasagjerë të tjerë, pas kontrollit mjekësor, janë larguar nga spitali. Nga verifikimet paraprake rezulton se drejtuesi i mjetit, shtetasi I. A., ka hyrë kundravajtje duke i dalë para autobusit dhe ka shkaktuar aksidentin. Po kryhen procedurat për ndalimin e shtetasit I. A. Grupi hetimor po punon për sqarimin e rrethanave të aksidentit.
j.l./ dita
