Një aksident ka ndodhur në orët e para të mëngjesit në Fier.
Një makinë tip ‘Golf’ është përplasur në urën e Mbrostarit dhe dyshohet se ka rënë në lumin Seman.
Në vendngjarje Policia ka gjetur vetëm targat e makinës, të cilat rezultojnë të një mjeti të marrë me qira.
Makina është marrë me qira nga një 26-vjeçar me iniciale M.L, ndërkohë që në momentin që kanë telefonuar në celularin e tij nuk është përgjigjur njeri.
Në vendngjarje kanë shkuar forcat zjarrfikëse, Renea si dhe polumbarët, të cilët po kërkojnë për makinën nën ujë.
Njoftimi i Policisë:
Fier/Informacion paraprak Në orët e para të mëngjesit të sotëm, në vendin e quajtur “Ura e Mbrostarit”, janë konstatuar të thyer parmakët anësore të njërit krah të kësaj ure. Në anë të rrugës është gjetur targa e një automjeti. Nga verifikimet rezultoi se kjo targë i përket një automjeti të marrë me qera nga shtetasi M. L., 26 vjeç, banues në Fier, me të cilin nuk është bërë e mundur marrja e kontaktit pasi numri telefonit del i fikur. Priten polumbarët e Renea-s për të kontrolluar përgjatë lumit me qëllim gjetjen e automjetit nëse ka rënë në lum. Grupi hetimor po punon për sqarimin e rrethanave të kësaj ngjarjeje.
j.l./ dita