Një 6-vjeçar ka ndërruar jetë mëngjesin e sotëm.
I mituri nga Kosova, së bashku me familjen u aksidentuan në orët e para të mëngjesit në aksin rrugor Fier-Vlorë, në afërsi të fshatit Panaja.
Andi Mithi, 33 vjeç po udhëtonte me bashkëshorten dhe dy fëmijët e mitur teksa humbi kontrollin e mjetit dhe doli nga rruga. Mjeti tip ‘Benz’ është përplasur me një nga tabelat e rrugës dhe është kthyer përmbys.
Burime bëjnë me dije se drejtuesi i mjetit, Andi Mithi po udhëtonte së bashku me familjen pasi ishin kthyer nga Turqia.
Si pasojë e aksidentit 6-vjeçari ka ndërruar jetë, ndërkohë që i ati i fëmijës, bashkëshortja dhe fëmija thjetër vetëm 3-vjeç ndodhen në spital e Vlorës, nën kujdesin e mjekëve.
Nuk dihet se si është gjendja e pjestarëve të tjerë të familjes. Në vendngjarje ndodhet grupi hetimor, i cili po kryen veprimet e mëtejshme në lidhje me sqarimin e rrethanave të aksidentit.
Njoftimi i Policisë:
Më datë 30.08.2022, rreth orës 04:45, në aksin rrugor Fier-Vlorë, në afërsi të fshatit Panaja, shtetasi A. M, 33 vjeç, i cili udhëtonte së bashku me bashkëshorten dhe 2 fëmijet, duke drejtuar automjet tip “Benz”, dyshohet se ka humbur kontrollin e mjetit dhe ka dalë nga rruga. Si pasojë e aksidentit njëri prej pasagjerëve një fëmijë 6 vjeç, ka ndërruar jetë, ndërkohë që drejtuesi dhe 2 pasgjerët e tjerë, shtetasja A. M., 34 vjeçe dhe fëmija tjetër 3 vjeçe, ndodhen në spital e Vlorës, nën kujdesin e mjekëve. Në vendngjarje ndodhet grupi hetimor, i cili po kryen veprimet e mëtejshme në lidhje me sqarimin e rrethanave të aksidentit.
j.l./ dita
