Protesta janë zhvilluar para Ambasadës shqiptare në Paris dhe Holandë, pas aksionit të djeshëm nga Policia në kampin e muxhahedinëve të MEK në Manzë.
Ditën e djeshme dhjetëra demostrues të iranianit të Azadeh dhe mbështetësve të muxhahedinëve kanë dalë në protestë para ambasadës shqiptare në Paris. E njëjta situatë është shënuar edhe në Hagë, ku mbështetësit e MEK kanë dalë në protestë për të dënuar sulmin e policisë ndaj muxhahedinëve në ambasadën shqiptare në Hagë.
Me flamurin iranian në dorë, ata kanë kërkuar drejtësi për muxhahedinin e vrarë dhe të plagosurit e tjerë.
Ditën e djeshme Policia e Shtetit dhe Forcat Speciale me urdhër të Gjykatës, kryen një aksion në kampet Ashraf-3 dhe Ashraf-4 të vendosura në Manëz të Durrësit, ku banojnë thuajse 3000 opozitarë iranianë nga “Muxhahedeen-e- Khalq” (MEK), një grup i rezistencës iraniane që mbështet krijimin e një qeverie të re në Teheran.
Situata në fillim ishte e qetë, por më pas muxhahedinët në mënyrë të dhunshme kundërshtuan ndërhyrjen e policisë si dhe sekuestrimin e pajisjeve elektronike. Një person humbi jetën. Në lidhje me këtë ministri i Brendshëm Blendi Çuçi tha se nuk është ushtruar dhunë ndaj anëtarëve të MEK dhe se personi në fjalë ka humbur jetën për shkaqe natyrore, teksa pritet që ekspertiza të flasë.
Po ashtu u publikuan pamjet nga aksioni i policisë, ku shihej qartë sesi muxhahedinët sulmonin me shkopinj dhe sende të forta makinat e oficerëve, ndërsa të tjerë janë kapur duke agjësuar me djegie disa dokumente.
j.l./ dita
