Aktivisti Edison Lika foli në protestën e 133-të pas lirimit nga paraburgimi ku qëndroi 72 orë sepse gjuajti me vezë makinën e kryeministrit Rama.
Lika u shpreh se qeveria dhe Rama janë frikacakë, megjithëse fshihen pas kartonit të deputetit. Rama ikën si mi, tha Lika, nga frika e një veze.
Ai shtoi se protestuesit nuk mërziten nga vota pro reformës e Braçes, Spiropalit dhe Ballukut, pasi qytetarët nuk kanë lidhur besën me ta.
“Ditën e sotme kemi dekriminalizuar vezën. Gjykata tha se arrestimi im dhe Fatjonit është i paligjshëm. Te QSUT i thamë Ramës që nuk do ketë Gardë që do të të mbrojë, ushtri që të të mbrojë. Edhe te Kryeministra, as Garda, Policia dhe civilët nuk e mbrojtën dot. Nga sot i themi qytetarëve kudo që shohin atë dhe deputetë të tjerë ti njollosin me vezë.
Kemi vullnetin që secili prej nesh të tregojmë se jemi kundër kësaj qeverie kriminale. Me aksionet tona me veprimtarinë tonë duhet të jemi aty ku na thërret atdheu. Sot po shitet Shqipëria me çdo ligj që miratojnë, po shitet Shqipëria, po boshatiset Shqipëria, le të jemi këtu çdo ditë. Duhet që çdo ditë që ky maskara është në pushtet qindra të bashkohen në shesh.
Çdokush që është poshtë shefit të komisariatit sa më polic të thjeshtë aq më shumë na do. E rëndësishme që të motivojmë çdo njeri dhe të mos ketë frikë se ky ka 83 mandate dhe krimin e organizuar.
Asgjë nuk është më e fuqishme se populli shqiptar. Sakrifikoni gjysëm ore nga jeta juaj dhe me nga një vezë frika në palcë i shkon. Janë frikacakë, thjesht fshihen nga kartoni. Ai ikën si mi. Zvarritet me vrap.
Ju them shqiptarëve se ai është një frikacak që fshihet pas fuqisë së kartonëve. Bashkohuni dhe rezistoni. Do jemi këtu derisa ai të mos jetë këtu. Nuk mërzitemi me votat e deputetëve socialistë.
Nuk e kemi lidh besën as me Erion Braçen, Belinda Ballukun dhe Elisa Spiropalin. E kanë vendin në burg. Besën e kemi me njëri tjetrin. Jetike për Shqipërinë dhe shqiptarët. Nuk tërhiqemi”, tha ai.
