Kryeministri Edi Rama ka zgjedhur të shpjegojë arsyen e mungesës së tij në seancën e sotme në kuvend dhe tu japë përgjigje pyetjeve të medias në lidhje me çështjen e ish-agjentit të FBI që po gjykohet në SHBA për disa akuza.
Sqarimet e tij kryeministri Rama i bëri në disa ekrane televizive, mes të cilave dhe në emisionin “Të paekspozuarit” të gazetarit Ylli Rakipi, ku Rama e quajti parlamentin një park zoologjik i kthyer nga krijesat e opozitës.
“Unë sot nuk jam shfaqur në atë që ju e quani park zoologjik. Unë sot nuk u shfaqa në parkun zoologjik, në të cilin u kthye Parlamenti nga krijesat që përfaqësojnë opozitat.
Nuk kam ardhur të bëj debat me frontin e shpifjes, zoti Rakipi. Unë e kam të thjeshtë të largohem. Më ndihmoni të jap shpjegime. Nuk vajta në parkun zoologjik sepse nuk do të kisha shans të shpjegohesha por as nuk bie në ato nivele ku shpesh edhe unë jam bërë pjesë e atij vulgariteti”, tha Rama.
