Kathleen Folbigg, 55 vjeçe, e cilësuar si “vrasësi më i madh serial i Australisë”, është shpallur i pafajshëm pasi ka kaluar 20 vjet pas hekurave.
E dënuar me 40 vjet burg për vrasjen e tre fëmijëve të saj dhe vrasjen e pavullnetshme të të katërtit, në vitin 2003, ajo ka arritur të shpallet “e pafajshme” pasi një grup prej 90 shkencëtarësh, përfshirë dy fitues të çmimit Nobel, nënshkruan në vitin 2021 një peticion, duke sugjeruar se vdekjet ishin të lidhura me mutacione gjenetike, ose anomali kongjenitale.
Prokurori i përgjithshëm për shtetin e Uellsit të Ri Jugor, Michael Daley, ka shpjeguar se “në interes të drejtësisë, Kathleen Folbigg duhet të lirohet nga paraburgimi sa më shpejt të jetë e mundur”, duke “dëshmuar” vdekjen “natyrore” të katër fëmijëve të saj mes 1989 dhe 1999 dhe me mosha nga 19 ditë deri në 18 muaj.
“Kjo ka qenë një sprovë e tmerrshme për të gjithë të interesuarit dhe shpresoj se veprimet tona sot mund t’i japin fund kësaj afere 20-vjeçare”, tha ai. Prokurori ka njoftuar edhe babain e foshnjave për vendimin e tij, për të cilin ka thënë se “do të jetë një ditë e vështirë për të”.
Ekipi i tij ligjor argumentoi në atë kohë se kishte prova shkencore, se një mutacion gjenetik mund të ishte përgjegjës për vdekjen e të paktën dy prej fëmijëve të Folbigg.
