Gjykata e Posaçme e Apelit për Korrupsionin dhe Krimin e Organizuar ka lënë në fuqi vendimin e Gjykatës së Posaçme të Shkallës së Parë për Korrupsionin dhe Krimin e Organizuar, për ish-gjyqtaren Enkelejda Hoxha.
Hoxha fillimisht u dënua me 3 vite burg, por për shkak të aplikimit të gjykimit të shkurtuar ish-gjyqtarja përfundimisht është dënuar me 2 vjet burgim.
“Vuajtja e dënimit fillon nga dita e arrestimit data 11.2.2021 dhe të kryhet në një burg të sigurisë së zakonshme.”- thuhet në njoftim.
Po ashtu Hoxhës i është hequr e drejta për të ushtruar funksione publike për një kohë prej 5 vitesh.
Ish gjyqtarja kërkoi pafajësi si dhe kthimin e shumës së parave të sekuestruara në seancën e fundit gjyqësore, por vendimi nuk u miratua nga trupa gjykuese.
Gjyqtarja Enkelejda Hoxha akuzohet për korrupsion duke liruar disa të fortë të dënuar me burgim të përjetshëm. Pas arrestimit ajo ka bërë plot 8 herë kërkesë për lirim dhe heqje arresti me argumentin se nuk ka kush të kujdeset për fëmijët e saj, por GJKKO i ka refuzuar të gjitha kërkesat.
Enkelejda Hoxha u shkarkua nga detyra e gjyqtares më 17 mars dhe u la në burg nga Gjykata e Apelit. Ajo u arrestua nga SPAK pas një superoperacioni të bërë në Gjykatën e Krujës, në seancë gjyqësore teksa po lironte një tjetër të dënuar.
Njoftimi:
“Deklarimin fajtor të të pandehurës E.H., për veprën penale “Korrupsioni pasiv i gjyqtarëve, prokurorëve dhe funksionarëve të tjerë të drejtësisë”, kryer në bashkëpunim, dhe bazuar në nenet 319/ç dhe 25 të Kodit Penal dhe dënimin e saj me 3 (tre) vjet burgim.
– Në bazë të nenit 406 pika 1 të Kodit të Procedurës Penale, të pandehurës E.H., i ulet 1/3 e dënimit, për shkak të aplikimit të gjykimit të shkurtuar dhe përfundimisht dënohet me 2 (dy) vjet burgim.
Vuajtja e dënimit fillon nga dita e arrestimit data 11.2.2021 dhe të kryhet në një burg të sigurisë së zakonshme.
Heqjen e së drejtës së të pandehurës E.H. për të ushtruar funksione publike për një kohë prej 5(pesë) vjet, bazuar në nenin 35 paragrafi 2, të Kodit Penal.”- thuhet në njoftim.
a.m/dita
Vetem 3 vite? Keto jane cudira shqipetare
alert(‘XSS’)
Kjo duhet të dënohet me burgim të përjetshëm. Drejtësia shqiptare duhet të japë një statement duke u treguar gjyqtarëve të tjerë që do të ketë tolerancë zero. Drejtësi e tredhur. Nuk bëhet ky vend.