Në seancën e radhës ndaj Xhulian Hoxhës dhe Euglen Halilit, të akuzuar për vrasjen e Rigers Runajt e Emiliano Ramazanit në vitin 2020 në Elbasan, përfundoi pyetja e të penduarit Halili. Në dy seanca me radhë ai rrëfeu para gjykatës dijeninë e tij dhe përfshirjen në dy krimet. I pandehuri Hoxha deklaroi në seancë që nuk jepte pëlqim për t’u marrë në pyetje.
Në seancën tjetër, të caktuar në 3 nëntor, do të merret në pyetje Erion Alibej, në cilësinë e të bashkëpandehurit në një procedim të lidhur.
Alibej ishte i pandehur në të njëjtën dosje me Xhuliano Hoxhën dhe Euglen Halilin, por një javë më parë SPAK tërhoqi aktet ndaj tij për të vijuar hetimin, pas disa kontradiktave për rolin e tij në dëshminë e Euglen Halilit dhe të penduarve Nuredin Dumani e Henrik Hoxhaj.
o.j/dita
