Imagjinoni të flini qetë natën dhe papritur të zgjoheni nga sirenat dhe mesazhet në pajisjen tuaj celulare që ju kërkojnë të evakuoni qytetin. Qytetarët e Koresë së Jugut e dinë rrezikun e mundshëm të të jetuarit pranë një prej vendeve më misterioze dhe më luftarake në botë, Koresë së Veriut, por dita e sotme ka qenë sa e frikshme, aq edhe e çuditshme.
Për momentin ka shumë informacione për ngjarjen, teksa rrjetet sociale konfirmuan se qytetarëve u është dashur të përballen me konfuzionin e mëngjesit të sotëm. Në postimin në Twitter të një qytetareje të Koresë së Jugut, thuhet se u zgjua nga një alarm evakuimi dhe zhurma sirenash rreth orës 06:41 të mëngjesit. Sigurisht, pas disa çastesh shqetësimi, filluan të lindin dyshime. Ky pohim u shumëfishua edhe nga një numër më i madh përdoruesish në rrjetet sociale.
Por nëse raketa do të kishte qenë e vërtetë, pasi lëshimi i supozuar ndodhi në orën 6:30 dhe ajo mori paralajmërimin në orën 6:41, ajo dhe të tjerët nuk do të kishin asnjë shans për të shpëtuar. Gjithashtu, duket se autoritetet e qytetit kanë kërkuar falje, duke thënë se ka ngatërruar një lëshim në hapësirë me një raketë, por duket se Koreja e Veriut e kishte paralajmëruar tashmë për këtë, ndaj konfuzioni ishte pak i çuditshëm.