Partia Demokratike ka zhvendosur betejën e saj, nga terreni në ekranet e kompjuterit.
Bëhet fjalë për ndryshime ligjore në ligjin “Për Nëpunësin civil” ku konkretisht kërkohet ndalimi i like&share të postimeve politike nga administrata, ndryshe ajo rrezikon gjobë apo dënim deri në 6 muaj burg.
Projektligji i propozuar nga deputeti demokrat Enkelejd Alibeaj, kërkon që “Nëpunësit civil ose punonjësi që kryen një funksion jo politik në administratën publike i ndalohet të publikojë, të reagojë, shpërndajë apo komentojë postime me përmbajtje politike të bëra në rrjetet sociale. Gjithashtu i ndalohet të krijojë grupe komunikimi në platformat elektronike, me qëllim publikimin, reagimin, shpërndarjen apo komentimin e postimeve me përmbajtje politike.
Drafti i protokolluar në Kuvend, krahas neneve ndaluese, ka parashikuar edhe ndëshkime me burg për punonjësit e shtetit te cilët pëlqejnë apo shpërndajnë në rrjetet sociale të komunikimit veprimtari të politikanëve apo subjekteve të caktuara politike. m.b./dita
