Taulant Gjoka, shefi i qarkullimit në Tiranë tha se nuk përjashtohet pista e shpejtësisë, në aksidentin e rëndë në Tiranë, ku autobusi i linjës së Unazës u përplas me disa makina.
“Jemi në proces duke kryer verifikimet, disa po testohen për nivelin e alkoolit, nuk përjashtohet as shpejtësia. Dëmet janë të konsiderueshme, jemi në hapat e parë të hetimit. Të gjithë do mbajnë përgjegjësi sipas ligjit”, u shpreh Gjoka.
Ndërkohë drejtuesi i automjetit që u përfshi në aksidentin me autobusin e linjës së Unazës, pasi ndodhej para tij ka folur për mediat duke thënë se autobusi ishte me shpejtësi mbi normalen.
“Mbaj mend vetëm zhurmat e llamarinave nga mbrapa. E pashë nga pasqyrat që ishte shumë shpejt. Në momentin e goditjes dola pasi mora pak veten se nuk e kuptova çfarë ndodhi. Në autobus pashë që kishte shumë të lënduar. Shoferi i autobusit ishte shumë i tronditur. Ishte rreth të 60-ve. Ai ishte i shokuar, ai ishte me alkool, ishte me tension dhe me zemër”, tha një prej qytetarëve, i pranishëm në vendin e ngjarjes.
j.l./ dita
