Gazetari Edison Vatnikaj ka dhënë detaje sot në lidhje me jetën e shtetases Alma K. e cila shfaqet në video duke kryer seks oral me ish-kryebashkiakun Safet Gjici, në zyrën e këtij të fundit.
Ai tha se ka pasur një telefonatë me Almën, e cila i ka thënë se me Gjicin ka pasur “marrëdhënie intime prej kohësh” por s’i ka dhënë detaje pse regjistron dikë me të cilin ka këto marrëdhënie.
Më tej ajo thotë sipas gazetarit, se e shqetëson fakti se “çështja po përdoret politikisht” dhe ka thënë se videoja është shpërndarë “nga një shok”.
“I kam shkruar dhe më ka marrë vetë më pas. Nga biseda nuk ishte e shqetësuar, por kishte pak vërejtje përsa i përket komenteve politike. Ajo më tha se me Gjicin ka pasur prej kohësh një raport intim dhe si duket nuk është shqetësuar fare.
E kam pyetur se pse është regjistruar video, nuk më ktheu përgjigje por më tha se është shpërndarë nga një person i tretë që mesa kuptova më tha se është një shok.
Nga informacionet që kam marrë unë jeton në lagjen 12 të Durrësit. Ka një fëmijë të moshës 12 vjeç. Nuk e di nëse është e martuar apo e divorcuar”, tha ai.
Vatnikaj tha se gruaja ishte e qetë, e pashqetësuar dhe në momentin që folën mëngjesin e kësaj të shtune ishte duke shëtitur qenin e saj.
Gazetari tha se shqetësimi i vetëm për gruan ishin aludimet në media se ishte një person i vendosur qëllimisht. Ajo shtoi se asgjë nga këto nuk është e vërtetë, por e ka kryer marrëdhënien me dëshirë.
“Kam komunikuar. Kishte vetëm vërejtje për komentet që thonë se është e nxitur, është e SHIK-ut apo është e Berishës, këto komente e shqetësonin më shumë.
Ajo më tha që është e drejta e çdokujt të ketë një raport intim. Me zotin Gjici ka pasur prej kohësh një raport intim dhe nuk ishte e shqetësuar fare”, tha gazetari.
DITA publikoi dje se në skandalin Gjici, personi kyç nuk është 40 vjeçarja, e cila është paguar për të heshtur, por një person i tretë (Kliko)
Një burim hetimor tha për DITA se ky person, më shumë se bashkëpunëtor i Alma K. është nxitës dhe ‘tutor’ i saj, prej kohësh.
Ai është ish-zyrtar i lartë në administratë, nga ku është shkëputur vitet e fundit dhe është investuar në media.
j.l./ dita
