Ambasada e Shteteve të Bashkuara në Izrael njoftoi sot se ka autorizuar largimin e një pjese të personelit të saj dhe të familjeve të tyre, për shkak të rreziqeve për sigurinë e tyre, në një kohë kur tensionet midis SHBA-së dhe Iranit janë në rritje.
Në një postim të bërë në rrjetin social X (ish-Twitter), ambasada theksoi se mund të kufizojë më tej udhëtimet e personelit të qeverisë amerikane dhe të familjeve të tyre në disa zona të Izraelit, përfshirë qytetin e vjetër të Jerusalemit dhe Bregun Perëndimor, pa paralajmërim paraprak.
Po ashtu, ambasada i ka këshilluar shtetasit amerikanë që të konsiderojnë mundësinë e largimit nga Izraeli sa kohë që janë ende të disponueshme fluturime komerciale.
Sipas një mesazhi të ambasadorit amerikan në Izrael, David Hakabi, të dërguar stafit diplomatik të SHBA-ve, çdo person që nuk është i domosdoshëm duhet të marrë në konsideratë largimin menjëherë.
Sipas raportimit të New York Times, email-i është dërguar të premten në orën 10:24 të mëngjesit, duke kërkuar nga stafi që të sigurojnë biletat sa më shpejt për çdo destinacion, duke i dhënë përparësi largimit të shpejtë nga vendi.
Ambasadori Hakabi shkruante se: “Nuk ka arsye për panik, por për ata që duan të largohen, është e rëndësishme të planifikoni largimin sa më herët të jetë e mundur.”
Ky njoftim vjen pas mbërritjes së aeroplanit të shkëputur amerikan USS Gerald R. Ford në Izrael, një zhvillim që ka shtuar edhe më shumë shqetësimet për sigurinë në rajon.
j.l./ dita
Jo vetem ne Izrael por ne te gjith boten largoni Amerikanet ,Amerikanet jane ma te sigurt ne Izrael se dikund tjeter pse miku ma i ngusht per Amerikanet eshte Izraeli ju dota digjni boten per Izraelin edhe Izraeli e djeg boten per juve pra vazhdoni keshtu kur nuk dote levizni pa frike ne shtetet tjera.