Ambasada e SHBA-ve në Tiranë ka ndarë mbrëmjen e kësaj të diele, një njoftim të Departamentit të Shtetit, i cili u kërkon shtetasve të vet nëpër botë të tregohen të kujdesshëm sa i takon situatës së tensionuar në Lindjen e Mesme.
“Departamenti i Shtetit u këshillon amerikanëve në mbarë botën, dhe veçanërisht në Lindjen e Mesme, të tregojnë kujdes të shtuar.
Amerikanët jashtë vendit duhet të ndjekin udhëzimet në njoftimet e sigurisë të lëshuara nga ambasada ose konsullata më e afërt e Shteteve të Bashkuara. Mbylljet periodike të hapësirës ajrore mund të shkaktojnë ndërprerje të udhëtimeve”, thuhet në njoftim.
Sipas DASH-it, objektet diplomatike të Shteteve të Bashkuara, përfshirë ato jashtë Lindjes së Mesme, “janë shënjestruar. Grupet mbështetëse të Iranit mund të shënjestrojnë interesa të tjera të Shteteve të Bashkuara jashtë vendit ose vende të lidhura me Shtetet e Bashkuara dhe/ose amerikanët në të gjithë botën”.
j.l./ dita
