Ambasada britanike në Tiranë, me anë të një postimi në Facebook iu bën thirrje qytetarëve shqiptarë të mos rrezikojnë jetën e tyre duke udhëtuar me gomone në mënyrë të paligjshme për të shkuar në Mbretërinë e Bashkuar.
Në mesazhin e ambasadës thuhet se “teksa përpiqen të largohen nga Shqipëria, qytetarët mund të humbasin edhe jetën si pasojë e kushteve të motit”.
“Duke u përpjekur për t’u larguar nga Shqipëria për në Mbretërinë e Bashkuar mund të humbësh edhe jetën nga kushtet e rrezikshme të motit. Mos rreziko!”, shkruan ambasada.
