Ambasadori i Bashkimit Evropian në Shqipëri, Silvio Gonzato ka zhvilluar paraditen e sotme një takim me kryetarin e Komisionit Qendror të Zgjedhjeve Ilirjan Celibashi. Gonzato është pritur në ambientet e Komisionit Qendror të Zgjedhjeve për takimin e tij me Celibashin.
Ky takimi i kryekomisoinierit të zgjedhjeve dhe kryediplomatit evropian në vend vjen vetëm nëntë ditë para zgjedhjeve parlamentare të 11 majit.
Gonzato, pas takimit me kryetarin e Komisionit Qendror të Zgjedhjeve Ilirjan Celibashin, ka folur për gazetarët. Gonzato deklaroi për gazetarët se BE mbështet procesin zgjedhor në Shqipëri, por nuk ka asnjë rol ndërhyrës. Gonzato krah Celibashit theksoi se nuk janë këtu për të manipuluar asgjë.
“Unë nuk bëj deklarata para zgjedhjeve. Kemi besim te ODIHR dhe ka një mision të rëndësishëm këtu. Lufta ndaj krimit të organizuar dhe korrupsionit është në zemër të negociatave. SPAK ka një detyrë të rëndësishme. BE është këtu për të mbështetur Shqipërinë, jo të ndërhyjmë në procese. Nuk jemi këtu për të manipuluar asgjë”, tha Gonzato.
Kreu i KQZ, Ilirjan Celibashi, pas takimit me ambasadori e BE, Silvio Gonzato, ka folur për gazetarët. Celibashi u shpreh para gazetarëve se takimi ishte për të dhënë informacione në lidhje me përgatitjen e zgjedhjeve. Ai theksoi gjithashtu se janë në proces bashkëpunimi e mbështetjeje të vazhdueshme nga BE.
Më tej ai tha se Shqipëria është në një moment të rëndësishëm të integrimit, ndaj institucionet dhe partitë duhet të reflektojnë mbi përgjegjësitë për të pasur zgjedhje me integritet. Ndër të tjera ai theksoi se këtë javë kanë pasur në mënyrë periodike komunikime konkrete me SPAK për problematika të ndryshme dhe denoncime.
Këtë javë kemi pasur në mënyrë periodike komunikime konkrete me SPAK për problematika të ndryshme dhe denoncime, si dhe informacione të ardhura në KQZ. Brenda 24 orësh ia kemi dalë të vëmë në dispozicion gjithçka që na është kërkuar”, tha Celibashi.
j.l./ dita
