Ambasadorja greke Kostandina Kamici ka mbërritur në qytetin e Vlorës ku pritet të zhvillojë një takim me avokatin e Fredi Belerit, i arrestuar një ditë më parë në Himarë i akuzuar për blerje votash.
Kamici ka shkuar në komisariatin e policisë ku ka kërkuar të informohet nga drejtori i policisë mbi gjendjen e te ndaluarit, pasi Beleri është qytetar grek.
Më herët gjatë ditës së sotme ambasadorja greke në Tiranë zhvilloi një takim në Ministrinë e Jashtme, ku shprehu shqetësimin në lidhje me arrestimin e kandidatit të koalicionit “Bashkë Fitojmë” për Himarën, Fredi Beleri.
Burime bëjnë me dije se ambasadorja Kamici ka qëndruar vetëm pak minuta dhe është takuar me një nga drejtorët e ministrisë që mbulon çështjet me Greqinë dhe jo me Ministren e Jashtme.
Kandidati i koalicionit “Bashkë fitojmë” për Bashkinë Himarë, Fredi Beleri u arrestua një ditë më parë me urdhër të Prokurorisë së Vlorës me akuzën e blerjes së votave.
o.j/dita
