Përfundon rikonstruksioni i gjimnazit “Gramoz Palushi”. Edhe kjo shkollë tërësisht e rikonstruktuar me standardet më të mira është gati për të pritur nxënësit e saj në shtator.
Kryeministri Edi Rama ndau sot në Facebook pamje nga ambientet e reja të këtij gjimnazi, i cili do të presë në shtator 650 nxënës dhe 33 mësues.
Rama tha se gjimnazi do të shërbejë edhe si qendër komunitare për të gjithë banorët e zonës.
Në bashkinë e Kamzës po vijon puna për rikonstruksionin e disa objekteve të tjera arsimore si shkolla 9-vjeçare “Azem Hajdari” Babrru Qendër, shkolla 9-vjeçare “Lidhja e Prizrenit” Paskuqan, çerdhja e re, Paskuqan 1, shkolla 9-vjeçare “Fatos Lami”, Zallmner si dhe sholla 9-vjeçare “Demokracia” Valias.
Janë mbi 22 objekte arsimore që janë ndërtuar në këtë bashki në kuadër të Programit të Rindërtimit.
p.k\dita
