Ministri i Drejtësisë Ulsi Manja, është shprehur se janë të gatshëm të tërhiqen nga amnistimi i të dënuarve nga Gjykata e Posaçme, ndërsa tha se drafti duhet të marrë të gjitha votat në Kuvend.
Në një prononcim për mediat, pas vizitës së të dënuarave në Burgun e Grave në Ali Dem, Manja tha se nëse ky amendament është problemi, do të tërhiqen.
“U bëj thirrje të gjithë kolegëve të mi në Kuvendin e Shqipërisë, pa përjashtim dhe një nga arsyet se unë pres ditën kur ta fusim në rendin e ditës, ka të bëjë me votën që duhet të marrë, jo thjesht 84 vota. Unë kam thënë se ky ligj amnistia, që ka 4 vjet që nuk është bërë të marrë votën e të gjithë deputetëve.
E kam thënë që ditën e parë, nëse problemi është ai amendament, ne kemi deklaruar, jemi të gatshëm të tërhiqemi, sepse nuk ka qenë në versionin fillestar të amnistisë.
Por nëse do të pyesni një zonjë brenda burgut, i cila është dënuar nga GJKKO dhe kur i thashë që ka një qëndrim për këtë, mendojeni dhe pozitën e asaj që priste të përfitonte 1 vit e gjysmë viti ulje dënimi, por fatkeqësisht dakordësia dhe kompromisi për ta kaluar atë ligj, është heqja dorë nga ai amendament. Ne jemi të gatshëm të tërhiqemi nga amendamenti”, tha Manja.
Kujtojmë se për kalimin e Amnistisë Penale në Kuvend, duhen 84 vota, të cilat mazhoranca nuk i ka.
Lulzim Basha ka kushtëzuar votën për Amnistinë Penale, duke thënë se nëse nuk hiqet amendamenti ku përfitojnë dhe të dënuarit nga GJKKO nuk do ta votojnë.
j.l./ dita
Amnistia, vetem ne vendet autotarkike ekzistojne.Eshte injorim i pushtetit gjyqesor,lekund besimin ne vendimet e Drejtesise.Falja e denimit ekziston per personat e denuar me sjellje te mira .
Hahaaaaa Hahaaaaa
Cfar pret qe te terhiqesh pazar?
Kur dihet qe kjo amnisti behet vetem per zyrtaret
“Zonja” brenda burgut e dënuar nga GJKKO! Një gjë nuk kuptoj. Ata dhe ato që janë dënuar nga SPAK dhe GJKKO për krime dhe korrupsion të lartë qeveria do t’i falka?! A kanë tru këta njerëz duke filluar nga ky biçim Manja, deri te ai gallofi i gjatë?! Ata janë dënuar me të drejtë për çfarë kanë bërë dhe këta duan t’i lirojnë! Dmth qijani nonën këtij populli dhe këtij vendi se asgjë nuk ju gjen! Bravo qeveria.